Rishikimi i ISO 14001 përfaqëson një hap të rëndësishëm në evolucionin e standardit dhe do të sjellë disa përmirësime krahasuar me botimin e mëparshëm, duke integruar temat globale dhe duke forcuar rolin e lidershipit.

Versioni i mëparshëm i ISO 14001 daton nga viti 2015. Pas një procesi konsultimi ndërkombëtar, u vendos që standardi të përditësohej për t’iu përgjigjur sfidave të reja mjedisore: rezistencës klimatike, biodiversitetit, ekonomisë qarkore dhe një përgjegjësie më të madhe mjedisore, duke e lidhur qëndrueshmërinë mjedisore me objektivat strategjikë të biznesit.

Norma e re sjell disa risi, ndër të cilat:

• Një analizë e rreziqeve dhe mundësive mjedisore me një perspektivë afatgjatë dhe gjithnjë e më të lidhura me Ndryshimet Klimatike;
• Përfshirje aktive e Menaxhmentit të Lartë;
• Vlerësim i ciklit jetësor dhe fokus mbi ndikimet përgjatë gjithë zinxhirit të furnizimit;
• Nxitje e digjitalizimit të proceseve dhe të dhënave të sistemit të menaxhimit mjedisor;
• Komunikim më transparent dhe raporte mjedisore më të qarta e të aksesueshme.

Edhe pse në thelb Struktura e Nivelit të Lartë mbetet e pandryshuar, përmirësohet lexueshmëria dhe kuptueshmëria përmes:

• futjes së konceptit të Menaxhimit të Ndryshimeve (Change Management),
• theksit më të madh mbi Ndryshimet Klimatike,
• riorganizimit të kërkesave mbi rreziqet dhe mundësitë,
• si dhe ofrimit të sqarimeve mbi termat dhe përkufizimet, menaxhimin e dokumentacionit dhe auditimet e brendshme.